Xalqımızda miynet etseń, ráhát tabasań, degen naqıl bar. Álbette, adamzat jaratılǵannan berli, tek miynet penen qádir tawıp kelmekte. Ata-babalarımız ázelden hadallıqtı alǵa qoyǵan. Sonıń ushın da ózbek milleti dúnyaǵa mártligi, haqıyqatshıllıǵı menen tanılǵan. Biraq, tilekke qarsı, búgingi kúnde ańsatlıq penen óz maqsetine erisiwge umtılıp atırǵanlar kóbeymekte.

Ásirese, járdemge mútáj adamlardıń ázziliginen paydalanıp, sociallıq tarmaqlar arqalı basqalardı qayırqomlıqqa tartqan halda jıynalǵan qarjılardı ózlestirip atırǵanlar da ushırasıp atırǵanı ashınarlı. Bul biziń milliy qádiriyatlarımızǵa pútkilley qarama-qarsı illet. Jaqsı bolǵanı, bunday jaǵdaylardıń aldın alıw maqsetinde nızamshılıǵımızda nátiyjeli reformalar ámelge asırılmaqta.
Ayırım qádiriyatlar bar, olarǵa nızam aralasıwı kerek emes. Bul insanıylıq, ruwxıy páklik hám qádir-qımbat máselesi bolıp tabıladı. Soǵan qaramastan, ádalatlı jámiyet qurıw jolında hár qanday jaǵdayǵa qarsı ilajlar bolıwı abzal. Sonıń ushın da sońǵı jılları mámleketimizde insan qádiri principi tiykarında siyasat alıp barılmaqta. Sebebi, joqarıda atap ótilgen illetlerdiń aldın alıw, xalıqtıń hár bir qatlamına teń hám isenimli imkaniyatlar jaratıw jámiyettiń rawajlanıwı ushın úlken áhmiyetke iye.
Tárbiyanıń tiykarǵı ornı, sózsiz, shańaraq ekenin atap ótiw kerek. Solay eken, perzent tárbiyasında hadallıq, húrmet hám ádep-ikramlılıq máselelerine ayrıqsha itibar beriw talap etiledi. Haqıyqatında da hikmet kóp.

Sherbek Islamov,
ÓzA