Texnikalıq jaqtan tártipke salıw tarawında qadaǵalaw inspekciyası Tashkent qalalıq bólimi tárepinen “Órikzar” bazarında ótkerilgen qadaǵalaw satıp alıwı waqtında Rossiyada islep shıǵarılǵan “Eko nom” hám Ukrainada islep shıǵarılǵan “Novator” markalı suw esaplaǵıshlar anıqlanıp, olar laboratoriya analizlerine jiberildi.

Ótkerilgen tallawlar nátiyjesine bola, bul ónimler ámeldegi standart talaplarına juwap bermeytuǵını málim boldı.
Qánigelerdiń atap ótiwinshe, bunday nasaz esaplaǵıshlardan paydalanıw suwdıń jumsalıwın nadurıs esapqa alıw, statistikalıq maǵlıwmatlardıń buzılıwı, resurslardı rejelestiriwde qátelikler hám suwdıń zaya bolıwına alıp keliwi múmkin.
Sol sebepli, Rossiya hám Ukraina islep shıǵarıwshıları tárepinen tayarlanǵan bul markadaǵı suw esaplaǵıshlardı satıw hám olardan paydalanıw qadaǵan etiledi.

Hamroz Bayanov,
ÓzAnıń xabarshısı