Ózbekstan Respublikası Prezidenti Shavkat Mirziyoev 14-oktyabr kúni Rossiya Federaciyası Prezidenti Vladimir Putin menen telefon arqalı sóylesti.

Ózbekstan menen Rossiya arasındaǵı keń kólemli strategiyalıq sheriklik hám awqamlaslıq qatnasıqların joqarı dárejedegi kelisimlerdi ámelge asırıw kózqarasınan bunnan bılay da rawajlandırıw hám bekkemlew máseleleri kórip shıǵıldı.
Sawda-ekonomikalıq hám investiciyalıq birge islesiwdiń tiykarǵı kórsetkishleriniń ósiw pátin saqlap qalıw, sonday-aq, eki mámleket aymaqları dárejesindegi kooperaciyalıq joybarlardı qollap-quwatlawǵa ayrıqsha itibar qaratıldı.
Gumanitarlıq birge islesiw, bárinen burın, mádeniyat, kórkem óner hám bilimlendiriw tarawlarında, sonıń ishinde, injener kadrlardı tayarlaw baǵdarında keńeyip baratırǵanı qanaatlanıwshılıq penen atap ótildi.

ÓzA