Italiyanıń Ezolo qalasında taekvondo ITF boyınsha ótken XXIII jáhán chempionatında elimiz sportshıları 1 altın hám gúmis, 2 qola medalına iye boldı.

Dúnyanıń 50 ge shamalas mámleketinen 1 mıń 500 ge shamalas sheber taekvondoshı qatnasqan bellesiwler dawamında Ózbekstan saylandı komandası aǵzalarınan Alina Galimulina altın, Sergey Nam shınıǵıw orınlawda gúmis, sonday-aq, Asılbek Sadıqov hám Evgeniy Kim óz baǵdarlarında qola medalların qolǵa kirgizdi.
Búgin, 14-oktyabr kúni jáhán chempionatında múnásip nátiyje kórsetken taekvondoshılarımız Islam Kárimov atındaǵı Tashkent xalıqaralıq aeroportında Sport ministrligi, mámleketlik taekvondo (ITF) federaciyası juwapkerleri, keń jámiyetshilik wákilleriniń qatnasıwında saltanatlı kútip alındı.

T.Rwziev, ÓzA