Prezident Shavkat Mirziyoevtiń basshılıǵında máhálle sistemasın bunnan bılay da jetilistiriw hám orınlarda jumıslardı nátiyjeli shólkemlestiriw máseleleri boyınsha videoselektor májilisi dawam etpekte.

Jaratılǵan imkaniyatlar esabınan 7 mıń máhálle miywe-ovoщ, gúl jetistiriw, pal hárreshilik, tiginshilik, mebel qurılısı, sawda hám servis sıyaqlı 15 baǵdarǵa qánigelestirildi. 3 mıń 326 máhálledegi 50 procent shańaraq bul sistema menen qamtıp alınǵanı ushın 1,5 million shańaraq dáramatlı boldı.
Máhálle bankirleri, hákim járdemshileri hár bir máhállede ortasha 40 tan mikro joybar islewi ushın olarǵa usı jılı 6,5 trillion sum resurs berildi.
Biraq sonsha resurs berilse de, hámme hákimler hám “máhálle jetiligi” de birdey islemey atırǵanı atap ótildi. Aymaqlardaǵı 2 mıń 356 máhállede bolsa ele qánigelesiw dárejesi biraz tómen.
Juwapkerlerge barlıq máhállede qánigelesiwdi aqırına jetkeriw kerek ekenligi kórsetip ótildi. Onda máhállelerdiń xalqı menen ushırasıp, olardıń imkaniyatınan kelip shıǵıp, anıq qánigelesiwin belgilew, keminde 200 mıń xalıqtı bánt etetuǵın mikrojoybarlardı qáliplestiriw tapsırıldı.
Kelesi jıldan miywe-ovoщqa qánigelesken 2 mıń 682 máhállege sanaat alıp kiriw ushın jeńilletilgen resurslar, bárinen burın, saqlaw, qayta islew hám qadaqlaw joybarlarına beriledi.

ÓzA