“Reuters” málimleme agentliginiń xabar beriwinshe, búgin AQSh prezidentiniń samolyotı Ben-Gurion aeroportına kelip qonǵan hám onı Izrail bas ministri Binyamin Netanyaxu kútip alǵan.

Atap ótiliwinshe, Tel-Avivtegi jaǵalıq boyında tınıshlıq kelisimine erisiwge járdem bergeni ushın Trampqa minnetdarshılıq sıpatında úlken banner ornatılǵan.
Tramp Izrail parlamenti – Knessettegi shıǵıp sóylewi aldınan Gazadaǵı kelispewshilik juwmaqlanǵanın járiyaladı.
– Bul men ushın úlken maqtanısh. Ullı hám gózzal kún. Jańa baslama, – dep jazǵan Qurama Shtatlar jetekshisi húrmetli miymanlar kitabında. Sonday-aq, ol Pakistan hám Awǵanstandı jarastırıwǵa tayar ekenin de biykarlamaǵan.
Házir Hamas girewdegi 13 adamdı Xalıqaralıq qızıl atanaq komitetine tapsırdı. Izrail bolsa qamaqxanadaǵı tutqınlardı qaytarıwǵa tayarlanbaqta.
Izrail saparınan soń Tramp Egipettiń Sharm ash-Sheyx qalasına jol aladı. Ol jerde Gaza sektorındaǵı jaǵdaydı tártipke salıw boyınsha sammit ótkeriliwi rejelestirilgen.

W.Alimov, ÓzA