«Aymaqlarda sanaattı jedel rawajlandırıw hám sanaat kárxanaların eksportqa tartıwdıń qosımsha ilajları haqqında»ǵı Prezident qararı qabıl etildi.

Qararǵa muwapıq, 2025-2026-jıllarda aymaqlarda sanaattı rawajlandırıwdıń tiykarǵı maqsetli kórsetkishleri etip tómendegiler belgilendi.
Sonıń ishinde:
– respublika sanaatında aymaqlıq sanaattıń úlesin 45 procentke jetkeriw;
– aymaqlarda 34 joqarı texnologiyalı sanaat joybarların ámelge asırıw arqalı sanaatta texnologiyalıq ónimler úlesin 25 procentke jetkeriw hám 3,5 mıńnan aslam jańa jumıs orınların jaratıw;
– hár bir rayon hám qalalarda 5 ke shekem sanaat «ósiw noqatı»n rawajlandırıw.
2026-jıl 1-yanvardan baslap 2028-jıl 1-yanvarǵa shekem jumısshılardıń ortasha miynet haqısınıń muǵdarı hár ayda miynetke haqı tólewdiń eń az muǵdarınıń eki esesinen kem bolmaǵan usı qarardıń 4-qosımshasına muwapıq jergilikli sanaat kárxanalarınıń jumısshılardı tasıw hám awqatlandırıw menen baylanıslı qárejetlerinen hár bir jumısshı xızmetker ushın bir ayda bir bazalıq esaplaw muǵdarına shekemgi bólegi sociallıq salıq bazasınan shıǵarıp taslanadı.
Óz mútájligi ushın gips shiyki zatın qazıp shıǵaratuǵın hám onnan tayar qurılıs materialları islep shıǵarıwshı kárxanalarǵa gips alıw ushın belgilengen jer astınan paydalanǵanı ushın salıq stavkası 50 procent muǵdarında qollanadı.

ÓzA