Házirgi waqıtta elimiz boylap paxta jıyın-terimi qızǵın dawam etpekte. Awıl xojalıǵında jıl sayın joqarı zúráátlikke erisiwde tınbay miynet etip kiyatırǵan diyqanlarımız ushın bıyılǵı jıl da hár tárepleme qolaylı bolmaqta.

Búgingi kúni hár bir fermer xojalıǵında paxta zúráátin jıynap terip alıw baslı itibarda bolıp, bársheniń dıqqatı paxta atızlarına qaratılǵan.
Álbette, diyqan-fermerlerimizdiń erte báhárden usı kúnge shekem islegen miynetleriniń nátiyjesinde jetilisken aq aldındı sepsitpey jıynap alıwda shápik qollı terimshilerdiń ornı ayrıqsha. Olarǵa harmasın aytıw, xoshametlew terimshilerimizge jáne de úlken kúsh baǵıshlaydı.
Qanlıkól rayonında da juwapker taraw basshıları hám wákilleriniń paxta atızlarına shıǵıp, terimshilerdiń jumıslarınan, olar ushın jaratılǵan sharayatlardan xabar aldı.
Rayon hákimi B.Sultanov Sarı altın APJ aymaǵındaǵı “Dáwletbay Saparovich” fermer xojalıǵı terimshileri menen ushırastı.
Atız basında olarǵa jaratılǵan sharayatlar menen tanısıp, aldınǵı terimshiler xoshametlendi.

Qaraqalpaqstan xabar agentligi