Bul boyınsha Prezident pármanı (PP – 180-sanlı, 04.10.2025j) qabıl etildi.

Pármanǵa muwapıq, 2026-jılı 1-yanvardan tómendegi shártlerge juwap beretuǵın sırt el puqaralarınıń Ózbekstan Respublikası aymaǵınan tısqarı dereklerden alınǵan dáramatların fizikalıq táreplerden alınatuǵın dáramat salıǵınan azat etiwdi názerde tutatuǵın sırt el puqaralarınıń dáramatların salıqqa tartıwdıń arnawlı salıq rejimi engiziledi:
– 50 mıń dollar muǵdarında arnawlı jıyın tólew;
– Ózbekstan Respublikasındaǵı arnawlı wákillikli kommerciyalıq bankte bank esap betin yamasa arnawlı wákillikli kripto-birjada kripto-hámiyan ashıw.
Izbe-iz on eki aylıq dáwir dawamında jámi 30 kalendar kúnnen kóbirek Ózbekstan Respublikasında haqıyqatında bolǵan fizikalıq shaxslar olar múlk yamasa ijara huqıqı tiykarında Ózbekstan Respublikası aymaǵında turaq jay kóshpes múlk obektine iye bolǵan jaǵdayda Ózbekstan Respublikasınıń salıq rezidentleri dep tán alınadı.

ÓzA