Mámleketimiz basshısı 2025-jıl 4-oktyabrde “Mámleketlik qorǵanıw buyırtpası haqqında”ǵı nızamǵa qol qoydı.
Nızam mámleketlik qorǵanıw buyırtpası tarawındaǵı qatnasıqlardı tártipke saladı.

Mámleketlik qorǵanıw buyırtpası – Ózbekstan Respublikası Qurallı Kúshlerin qural-jaraq penen támiyinlew boyınsha mámleketlik komissiya tárepinen tastıyıqlanatuǵın áskeriy hám eki túrli maqsetke mólsherlengen ónimlerdi satıp alıw ushın mámleketlik buyırtpa bolıp tabıladı.
Mámleketlik qorǵanıw buyırtpasınıń tiykarǵı wazıypaları qatarına mámlekettiń milliy máplerinen, dúnyadaǵı hám regiondaǵı áskeriy-siyasiy jaǵdaydan, áskeriy tarawda milliy qáwipsizlikke bolǵan qáwip-qáterlerdiń dárejesinen, zamanagóy áskeriy kelispewshiliklerdiń ózgesheliginen kelip shıqqan halda, mámleketlik qorǵanıw buyırtpasın qáliplestiriw, tastıyıqlaw hám orınlaw, buyırtpashılardı áskeriy hám eki túrli maqsetke mólsherlengen ónimler menen óz waqtında hám kepillikli tárizde qurallandırıw hám támiyinlew, mámleketlik qorǵanıw buyırtpası ushın ajıratılǵan qarjı resurslarınan maqsetli hám nátiyjeli paydalanılıwın támiyinlew kiredi.
Mámleketlik qorǵanıw buyırtpasınıń joybarı mámleketlik komissiya tárepinen kórip shıǵıladı hám onıń qararı menen tastıyıqlanadı.
Mámleketlik komissiya tárepinen tastıyıqlanǵan mámleketlik qorǵanıw buyırtpası gezektegi jıl ushın Ózbekstan Respublikasınıń Mámleketlik byudjeti haqqındaǵı nızam joybarın islep shıǵıwda inabatqa alınadı.

N.Abduraimova,
ÓzA