Ózbekstan Respublikası hám Ázerbayjan Respublikası arasında diplomatiyalıq baylanıslar ornatılǵanınıń 30 jıllıǵı múnásibeti menen eki mámleket parlamentleri doslıq toparları aǵzalarınıń onlayn tárizdegi ushırasıwı bolıp ótti.

Atap ótilgenindey, eki mámleket basshılarınıń izbe-iz is-háreketleri nátiyjesinde Ózbekstan hám Ázerbayjan arasındaǵı birge islesiw strategiyalıq sheriklik hám awqamlaslıq dárejesine kóterilip, barlıq baǵdarlarda izbe-iz rawajlanıp barmaqta.
Ushırasıwda parlamentleraralıq sóylesiw izbe-iz rawajlanıp atırǵanı atap ótildi. Parlamentlik qadaǵalaw tarawında tájiriybe almasıw, aymaqlıq wákillikli uyımlar menen jedel sóylesiwdi bunnan bılay da jedellestiriw máseleleri dodalandı.
Sonday-aq, ushırasıw dawamında eki tárepleme sawda-ekonomikalıq, investiciyalıq, turizm, transport hám aymaqlararalıq birge islesiwdi jáne de keńeytiw máseleleri de kórip shıǵıldı.

N.Abduraimova, ÓzAnıń xabarshısı