Xalıqaralıq futbol federaciyaları associaciyası (FIFA) kelesi jıldıń jaz ayında AQSh, Kanada hám Meksika mámleketlerinde bolıp ótetuǵın jáhán chempionatı ushın biletlerdi satıwǵa shıǵara baslaǵanın járiyaladı.

Atap ótiliwinshe, birinshi biletlerdiń qarıydarları lotereyadan tańlanǵanlar boladı. Lotereya jeńimpazları elektron pochta arqalı xabardar etiledi yamasa xabarnama arqalı biletlerdi qabıl etip aldı. Jáhán chempionatı ushın shıǵarılǵan lotoreya oyınlarında qatnasıw ushın búgingi kúnge shekem 4,5 million arza kelip túskenligi málim.
Jáhán chempionatı ıqlasbentleri ushın satıwǵa shıǵarılatuǵın biletler tórt kategoriyadan ibarat bolıp, topar basqıshı oyınları ushın eń qımbat biletler AQSh saylandı komandası qatnasıwındaǵı oyınlar esaplanadı. Oǵan bola, 1-kategoriya biletleri 410 AQSh dollarınan 620 AQSh dollarına shekem bahalanǵan bolsa, 4-kategoriyanıń bahaları 60 dan 105 AQSh dollarına shekemdi quraydı.
Eń itibarlısı, jáhán chempionatınıń Nyu-Jersi qalasında bolıp ótetuǵın final ushın bahalar jáne de “qorqınıshlı” sanlardı ózinde sáwlelendirdi. 1-kategoriya 6730, 2-kategoriya 4210, 3-kategoriya 2790, 4-kategoriya 2030 AQSh dollarınan ibarat bolıwı keltirilgen.
Jáhán chempionatı biletleri dinamikalıq bahanı óz ishine alǵanı sebepli qánigeler bilet bahası artıwı múmkin ekenligin atap ótpekte.

T.Rwziev, ÓzA