Keyingi waqıtta mámleketimizde taw-kán sanaatı hám geologiya tarawınıń rawajlanıwına ayrıqsha itibar qaratılmaqta. Mineral resurslardan nátiyjeli paydalanıw, olardı qayta islew hám xalıqaralıq birge islesiwdi kúsheytiw baǵdarında izbe-iz reformalar ámelge asırılmaqta.

Bul processte tarawdaǵı birge islesiwshi mámleketler menen tájiriybe almasıw hám birgeliktegi joybarlardı ámelge asırıw ayrıqsha áhmiyetke iye.
Taw-kán sanaatı hám geologiya ministrliginde Hindstan Atom energiyası departamenti wákilleri menen ótkerilgen ushırasıwda bul haqqında sóz boldı.
Onda basqarıwshı tárepinen ministrliktiń jumısı, onıń strategiyalıq maqset hám wazıypaları haqqında tolıq maǵlıwmat berildi. Sonday-aq, eki mámleket arasında ámelge asırılıp atırǵan birge islesiwdiń perspektivaları, atap aytqanda, energetika shiyki zatı tarawındaǵı birgeliktegi baslamalar boyınsha pikir alısıldı.
Óz gezeginde, hindstanlı sherikler mámleketlerimiz arasında uzaq jıllardan berli jolǵa qoyılǵan birge islesiwdi joqarı bahalap, onı izbe-iz dawam ettiriwden mápdar ekenin atap ótti. Sonday-aq, delegaciya wákilleri birge islesiw kólemin keńeytiw nátiyjesinde qımbat bahalı, reńli hám sanaat ushın áhmiyetli minerallar baǵdarlarında investiciyalıq joybarlardı ámelge asırıwǵa qızıǵıwshılıq bildirdi.
Ushırasıw juwmaǵında tárepler óz-ara birge islesiwdi bekkemlewge kelisip aldı.

N.Ziyodullaeva tayarladı, ÓzA