Oliy Majlis Senatınıń Ilim, bilimlendiriw hám densawlıqtı saqlaw máseleleri komitetiniń aǵzası Gulnara Marufova Qazaqstannıń Almata qalasında “BeWOMAN ASIA” Oraylıq Aziya forumında qatnastı.

Bul ilajda 20 mámleket, sonıń ishinde, YuNESKO, YuNISEF, BMSh, EQBSh hám UN Woman sıyaqlı abıraylı xalıqaralıq shólkemlerdiń 100 den aslam wákilleri qatnastı.
Forum hayal-qızlar jetekshiligi, gender teńlik hám turaqlı rawajlanıw máselelerine baǵıshlanıp, regiondaǵı jetekshi siyasatshı, ilimpaz, isbilermen hám ekspertlerdi bir maydanda jámledi.
Senator forumnıń “Oraylıq Aziya Renessansı: áwladlar kúshi” atamasındaǵı birinshi jalpı sessiyasında qatnastı. Senator óziniń shıǵıp sóylegen sózinde sońǵı jılları Prezidentimizdiń baslaması menen Ózbekstanda hayal-qızlardıń huqıqların qorǵaw hám olardıń jámiyettegi ornın arttırıwǵa qaratılǵan sistemalı reformalar ámelge asırılıp atırǵanın atap ótti.
Ózbekstan nızamshılıǵı xalıqaralıq standartlarǵa muwapıq jaratılǵanı, gender teńlik hám zorlıqtan qorǵawǵa baylanıslı áhmiyetli nızamlar qabıl etilgeni atap ótildi. Onda mámleketlik hám jámiyetlik basqarıwǵa hayal-qızlardıń qatnası keńeygen, sonıń ishinde, qızlar hám hayal ilimpazlar ushın imkaniyatlar artıp barmaqta.

Qaraqalpaqstan xabar agentligi