Oraylıq banktiń xabarına bola, usı jıldıń avgust ayı dawamında Ózbekstan kommerciyalıq bankleriniń kredit portfeli 4,8 trln.sumǵa kóbeyip, jámi muǵdarı 581 trln.sumnan asqan.

Kredit portfeliniń ósiwi mámleketlik banklerde (+2,5 trln. sum) hám basqa banklerde (+2,4 trln. sum) derlik birdey muǵdarda belgilengen.
Kredit portfelindegi mashqalalı kreditler (NPL) úlesi avgust ayı dawamında 751,6 mlrd. sumǵa azayǵan.
Málim etiliwinshe, 1-sentyabr jaǵdayına bola Ózbekstandaǵı banklerdiń mashqalalı kreditleri (NPL) 21,8 trln. sumdı quramaqta.
Kredit portfeline salıstırǵanda NPL úlesi 3,8 procentke shekem azaydı. Derlik barlıq banklerde qaytarılmay atırǵan kreditler menen jaǵday jıl basına salıstırǵanda jaqsılandı.
Eń kóp NPL úlesine ie bank “Garant bank” esaplanadı – 12,9 procent.
Mashqalalı kreditlerdiń muǵdarı eń kóp bank bolsa 3,1 trln. sum menen “Milliy bank” bolıp tur. Biraq bank avgustta 700 mlrd. sumǵa shamalas NPLdan qutılıwǵa eristi.

Sh.Mamaturopova, ÓzA