Elimizde para sport túrlerin rawajlandırıw, imkaniyatı sheklengen xalıq wákillerin salamat turmıs tárizine keńnen tartıwǵa jeterli sharayatlar jaratıw, jigerli sportshılardıń qatarın keńeytiw baǵdarında áhmiyetli baǵdarlamalar qabıl etilip, olardıń orınlanıwın támiyinlewge ayrıqsha itibar qaratılmaqta.

Usı háreketlerden kelip shıǵıp, Sport ministrligi tárepinen adaptiv sport túrleri, sonıń ishinde, paralimpiya, surdlimpiya, arnawlı olimpiada hám kózi ázziler sport túrleriniń reestri hám onıń tarmaqları tastıyıqlandı.
Bul sport túrleri mámleketlik sport bilimlendiriw mákemeleri, sport mektepleri, qánigelestirilgen arnawlı mektep-internatları, mámleketlik emes shólkemlerdiń sport klubları bazasında rawajlandırıladı.
Sonıń menen birge, usı sport túrleri boyınsha shınıǵıwlarǵa tartılǵan sportshılar hám olardıń trenerleri haqqındaǵı barlıq maǵlıwmatlar ERP sport birden-bir elektron basqarıw sisteması arqalı dizimge alınıp, oraylasqan halda júrgiziletuǵını belgilendi.
Bul para sport túrleri boyınsha selekciya jumısların alıp barıw, sheber para sportshılardıń jumısın sistemalı monitoring etiw, bilimlendiriw hám tayarlıq procesin sanlastırıw jáne adaptiv sport túrlerin jáne de nátiyjeli hám ashıq-aydın rawajlandırıw imkaniyatın jaratıwı menen áhmiyetli bolıp esaplanadı.

T.Rwziev, ÓzA