Giltshalǵısh – qaraqalpaq hayallarınıń kókirek bezeniw buyımı bolıp, kórinisi 8 sanın esletedi. Onıń tómengi dóńgelegi joqarıdaǵısına salıstırǵanda úlkenirek kólemde islengen. Bul sheksizlik, úylesimlilik, ómirdiń úzliksizligi simvolın sáwlelendiredi.

Qaraqalpaq hayal-qızları giltshalǵıshtı kindik tusına taqqan. Xalıqtıń túsinigi boyınsha kindik ómirdiń baslanıw deregi, ana menen balanı baylanıstırıwshı aǵza, sonıń menen birge, hayaldıń ósip-óniwiniń tiykarı retinde qaralǵan. Bul bezeniw buyımı tuwıw qábiletin asıradı dep isenilgen hám iyesin til-kózden qorǵawshı tumar sıpatında taǵıp júrilgen.

Qaraqalpaqstan xabar agentligi