Oliy Majlis Senatına BMSh Insan huqıqları boyınsha Joqarı komissarı basqarmasınıń Oraylıq Aziya boyınsha regionallıq wákili Matilda Bogner keldi.

Senat Baslıǵı Tanzila Norboeva menen ushırasıwda Ózbekstan Prezidenti Shavkat Mirziyoevtiń BMSh Bas Assambleyasınıń 80-sessiyasında shıǵıp sóylegen sózinde alǵa qoyılǵan insan huqıqlarına baylanıslı baslama hám usınıslar ayrıqsha atap ótildi.
Insan huqıqları tarawındaǵı birge islesiwdiń búgingi jaǵdayı hám perspektivaları, sonıń ishinde, mámlekette ámelge asırılıp atırǵan reformalardı qollap-quwatlaw, xalıqaralıq minnetlemelerdi orınlaw, sonday-aq, Senat hám BMSh strukturaları arasındaǵı institucionallıq birge islesiw máseleleri dodalandı.
Tárepler keń jámiyetshilik hám xalıqaralıq ekspertlerdiń qatnasıwında islep shıǵılıp atırǵan Insan huqıqları boyınsha 2030-jılǵa shekem mólsherlengen milliy strategiya joybarı, sonday-aq, xalıqaralıq minnetlemelerdi ámelge asırıwǵa qaratılǵan parlamentlik qadaǵalawdıń jańa túrlerin dodaladı.
M.Bogner Ózbekstannıń májbúriy miynetti saplastırıw, sud-huqıq sistemasın reformalaw, mámleketlik uyımlar hám puqaralıq jámiyeti arasında jolǵa qoyılǵan ashıq-aydınlıq hám qarım-qatnastı kúsheytiw baǵdarındaǵı háreketlerin joqarı bahaladı.
Birge islesiwdi bunnan bılay da keńeytiw, sonıń ishinde, sudyalar hám huqıq qorǵaw uyımlarınıń xızmetkerlerin oqıtıw, parlamenttiń xalıqaralıq esabatlarda qatnasıwı, insan huqıqların qorǵaw máselelerin dodalawǵa puqaralıq jámiyetti jedel tartıw máselelerine ayrıqsha itibar qaratıldı.

Norgul Abduraimova,
ÓzAnıń xabarshısı