Usı jıldıń dáslepki altı ayınıń juwmaqlarına bola, Qazaqstannıń Almata qalası Oraylıq Aziya qalalarında jasaw ushın eń qımbat qala sıpatında atap ótildi. Bul haqqında xalıqaralıq Numbeo portalı járiyalaǵan reytingte málim etildi.

Esap-sanaqlarǵa bola, Almatada jasaw qárejeti indeksi 29,4 punktti quradı hám bul kórsetkish qalanı dúnya júzi boyınsha 346-orınǵa alıp shıqtı. Sonday-aq, regionnıń basqa da iri qalalarında da jasaw bahaları salıstırıldı:
Bishkek (Qırǵızstan) – 26,8 indeks, 364-orın;
Astana (Qazaqstan) – 26,5 indeks, 366-orın;
Tashkent (Ózbekstan) – 26,2 indeks, 370-orın.
Tájikstan hám Túrkmenstan qalaları reytingte kórsetilmedi.
Numbeo maǵlıwmatlarına bola, Tashkentte tórt adamnan ibarat shańaraqtıń turaq jay ijarasız ortasha aylıq qárejetleri 23 mln 39 mıń sumdı quraydı. Jalǵız jasawshı bir adam ushın bolsa bul kórsetkish 6 mln 437 mıń sum dep bahalanǵan. Qala boyınsha jasaw qárejeti Nyu-Yorktaǵıǵa qaraǵanda 72,2 procent arzan. Sonıń menen birge, Tashkenttegi turaq jay ijarası da Nyu-Yorktaǵıǵa salıstırǵanda 84,5 procent tómen ekeni atap ótilgen.

Madinabonu NASRIEVA, Anvarxwja AHMEDOV,
ÓzAnıń xabarshıları