Ózbekstan Respublikası Prezidenti Nyu-Yorkta BMSh Bas assambleyasınıń 80-sessiyasında qatnasadı.

“Birgelikte jaqsıraq: tınıshlıq, rawajlanıw hám insan huqıqları ushın 80 jıl hám jáne de kóbirek” súreni astında ótetuǵın yubiley ánjumanı sheńberinde dúnya jetekshileri global mashqalalar sharayatında anıq poziciya hám tiykarǵı baǵdarlar sáwlelengen bildiriwler menen shıǵadı.
Dástúriy ulıwma diskussiya 23-27 hám 29-sentyabr kúnleri bolıp ótedi. Mámleketimiz basshısı Shavkat Mirziyoevtiń shıǵıp sóylewi 23-sentyabrge belgilengen. Ózbekstan jetekshisi BMSh Bas assambleyası sessiyalarında turaqlı túrde shıǵıp sóyleydi. Prezidentimizdiń 72, 75, 76 hám 78-sessiyalardaǵı shıǵıp sóylegen sózleri regionallıq qáwipsizlik, klimat ózgeriwine qarsı gúresiw, insan huqıqların qorǵaw hám civilizaciyalararalıq qarım-qatnastı rawajlandırıwǵa qaratılǵan áhmiyetli siyasiy bildiriwlerge aylanǵan.
2018-2025-jıllar aralıǵında mámleketimiz Bas Assambleyanıń 13 rezolyuciyasınıń baslamashısı sıpatında ortaǵa shıqtı:
– Oraylıq Aziyada tınıshlıq, turaqlılıq hám izbe-iz rawajlanıwdı támiyinlew boyınsha regionallıq hám xalıqaralıq birge islesiwdi bekkemlew (2018-jıl);
– Aralboyı regionın ekologiyalıq innovaciya hám texnologiya aymaǵı, dep járiyalaw (2021);
– Turaqlı rawajlanıw maqsetlerine erisiwdi jedellestiriwde parlamentlerdiń rolin kúsheytiw (2022);
– Toǵaylardı ósiriw hám qayta tiklew boyınsha háreketler on jıllıǵı (2025).

ÓzA