«Watan muqaddes, onı qorǵaw eń ullı minnetimiz!» súreni astında Ishki isler ministrligine qaraslı «Temurbekler mektebi» áskeriy-akademiyalıq liceyi oqıwshılarınıń qatnasıwında ilaj shólkemlestirildi.

Onda Ózbekstan Respublikası Milliy qáwipsizlik xızmeti shegara áskeriy bóliminiń juwapker oficerleri mayor Samaratdin Qarshiev, aǵa leytenant Soxib Muminov elimizde búgingi kúnde Qurallı Kúshler sistemasında ámelge asırılıp atırǵan reformalar, jaslar ushın jaratılǵan imkaniyatlar haqqında keń túrde maǵlıwmat berip, Watandı qorǵaw muqaddes wazıypa ekenligin atap ótti. Jaslardı mámleketti qorǵaw jolında pidayı jáne belsene bolıwǵa shaqırdı.
Sonday-aq, ilajda oqıwshılar Ózbekstan Respublikası áskeriy qáwipsizlik hám qorǵanıw universitetindegi oqıwǵa qabıllaw procesi, universitettegi sharayatlar, joqarı oqıw ornınıń búgingi kúndegi potencialı menen tanıstırıldı.
Ilaj sońında Watanǵa muhabbat, jurtqa sadıqlıq, kekselerge húrmet sıyaqlı insanıylıq pazıyletlerdi jaslardıń sanası hám qálbine sińdiriwge qaratılǵan videorolik qoyıp berildi.
Oqıwshılar menen bolǵan bul sáwbet jaslardıń áskeriy minnetke bolǵan qızıǵıwshılıqların, ana Watanǵa muhabbat hám sadıqlıq sezimlerin jáne de bekkemlewge xızmet etedi.

Qaraqalpaqstan xabar agentligi