Qaraqalpaqstan Respublikası prokurorı Sh.Aminov hám «Hududgaztaminot» akcionerlik jámiyeti basqarma baslıǵı M.Xodjaev aymaqlarda gúzgi-qısqı máwsimge tayarlıq kóriw, máwsimdi zıyansız ótkeriw, máhállelerdegi kemshiliklerdi saplastırıw boyınsha alıp barılıp atırǵan jumıslardı kózden ótkermekte.

Atap aytqanda, Taqıyatas rayonındaǵı gaz támiynatı bólimine qaraslı 131-sanlı gaz bólistiriw punktiniń úzliksiz jumıs islew boyınsha imkaniyatları, texnikalıq sazlıǵı tekserilip, juwapkerlerdiń xalıqtı gaz benen támiyinlew, gaz támiynatı sistemasında shıǵınlardıń aldın alıw sıyaqlı máseleler boyınsha esapları tıńlandı.
Bunnan keyin «Abat mákan» máhállesi aymaǵındaǵı jámi 2,8 kilometrlik tábiyǵıy gaz qubırların jańasına almastırıw processleri kózden ótkerilip, juwapkerlerge aymaqtaǵı eski trubalardı hám nasazlıqlardı tolıq saplastırıw, energiya resursların talan-taraj etiw jaǵdayların anıqlawǵa qaratılǵan ilajlardı jáne de kúsheytiw boyınsha tiyisli kórsetpe hám tapsırmalar berildi.
Rayonda jumıs alıp baratuǵın yuridikalıq tárepler menen ushırasıp, olardıń imaratlarındaǵı ısıtıw sisteması hám qazanxanalarınıń sazlıǵı ornında úyrenildi. Olarǵa energiyanı únemleytuǵın ásbap-úskenelerdiń abzallıqları haqqında túsinik berildi.

Qaraqalpaqstan xabar agentligi.