Qubla Koreyada áskerler arasında ótkerilgen xalıqaralıq jarısta mámleketimiz wákilleri jeńimpazlıqtı saltanatlı jaǵdayda belgilep ótti.

Qubla Koreya armiyası arnawlı operaciya kúshleri sárkardalıǵı tárepinen shólkemlestirilgen II Xalıqaralıq mergenler turnirinde 10 mámlekettiń 54 mergen komandaları bir hápte dawamında ótken bellesiwlerde óz-ara bellesti.
Saylap alıw jarıslarında tabısqa erisken Ózbekstan komandası AQSh, Germaniya, Rumıniya, BAÁ, Qatar, Vetnam, Tailand, Mongoliyadan 16 mergenler komandaları menen sıylı orınlarǵa dawagerlik etti.
Jarısta belgilengen nıshanlardı anıq mólsherlewde sheberligin kórsetken jerleslerimiz 539.5 ball toplaǵan halda II Xalıqaralıq mergenler turniriniń jeńimpazı boldı, keyingi orınlardı 534.7 ball toplaǵan Vetnam hám 519.0 ball menen AQSh komandaları iyeledi.

T.Rwziev,
ÓzA