Mámleketimizde isbilermenlik qollap-quwatlanıp, olarǵa keń kólemli jeńillik hám imkaniyatlar jaratıp berilmekte.

Tashkent qalası Ósimlikler karantini hám onı qorǵaw basqarmasında eksportshı kárxanalar ushın shólkemlestirilgen xalıqaralıq seminarda bul boyınsha tolıq maǵlıwmat berildi.
Ilajda eksportshı kárxana wákilleri, jas isbilermenler, sawda tarawınıń qánigeleri jáne jas fermerler keńesi hám eksport shtabınıń aǵzaları qatnastı.
Hindstanlı xalıqaralıq qánige Shura CHakraborti qatnasıwında bolıp ótken oqıw-seminarınıń tiykarǵı maqseti jergilikli isbilermenlerimizdi xalıqaralıq sawda maydanında tabıslı jumıs alıp barıwǵa tayarlaw, olardıń eksport potencialın arttırıw hám dúnya bazarında básekige shıdamlılıǵın támiyinlewge qaratıldı.
Oqıw-seminarı dawamında jas isbilermenler eksport jumısınıń tiykarları, onı islep shıǵıw rejesi hám qorǵaw principleri, xalıqaralıq bazarlardı tallaw, potenciallı qarıydarlar menen islesiw tártipleri, sawda, logistika, bajıxana processlerin nátiyjeli basqarıw usılların jaqınnan úyrendi.
Bunday oqıw-seminarları elimizdiń jáne 14 aymaǵında ótkeriliwi rejelestirilgen.
Isbilermenlerimiz ushın bul oqıw-seminarı jańa bazarlardı ashıw, eksport jumısında ushırasatuǵın mashqalalardı sheshiw hám nátiyjeli biznes strategiyalardı islep shıǵıwda úlken imkaniyat jaratadı, dep oylaymız.

Sh. Mamaturopova, ÓzA