Ózbekstan texnikalıq jaqtan tártipke salıw agentliginiń direktorı Akmal Jumanazarov CHexiya hám Slovakiya mámleketleri menen birgelikte shólkemlestirilgen jańa laboratoriyalardıń ashılıw ilajı sheńberinde CHexiya Respublikası elshisi Lyubomir Frebort hám Slovakiya elshisi Viktor Boreckiy menen ushırastı.

Sóylesiwler sheńberinde texnikalıq jaqtan tártipke salıw, standartlastırıw, sertifikatlaw hám metrologiya tarawların jedel rawajlandırıwǵa óz-ara tayarlıq tastıyıqlandı.
CHexiya hám Slovakiya mámleketleri menen birge islesiw jańa pátlerde rawajlanıp atırǵanı, tovar almasıw kólemi hám investiciyalıq joybarlardıń sanı ósip atırǵanı, húkimetleraralıq komissiyanıń májilisi sheńberinde tarawǵa baylanıslı áhmiyetli hújjetlerge qol qoyılǵanı atap ótildi.
CHexiya Milliy metrologiya institutı (CMI) menen basım boyınsha kvant laboratoriyası hám Slovakiya Milliy metrologiya institutı (SMU) menen temperatura boyınsha kvant laboratoriyasın shólkemlestiriw, Evropanıń TAIEX hám TWINNING grant baǵdarlamaları arqalı qánigelerdiń kásiplik tájiriybelerin, bilim hám kónlikpelerin rawajlandırıwǵa itibar qaratıldı.
Ushırasıw sheńberinde CHexiya hám Slovakiya mámleketleri metrologiya tarawında birge islesiwdi bunnan bılay da rawajlandırıwǵa qaratılǵan eki áhmiyetli hújjetke qol qoyıldı.
Ózbekstan milliy metrologiya institutı, Slovakiya metrologiya institutı hám CHexiya metrologiya institutı menen birgelikte jańa laboratoriyalardıń jumısına start berildi.
Jańadan shólkemlestirilgen Ximiya laboratoriyasında Slovakiya metrologiya institutı (SMU) menen “Suwlı eritpelerdegi vodorod ionları aktivliginiń pH kórsetkishi” boyınsha birlemshi hám ekilemshi etalonlar jáne “Suwlı eritpelerdegi ionları aktivliginiń nitrat (pX) kórsetkishi” hám CHexiya metrologiya institutı (CMI) ) “Suyıqlıqlardıń salıstırmalı elektr ótkizgishligi birligi” birlemshi etalonı járdeminde tiyisli sınaqlar ámelge asırıladı.

ÓzA