Futbol boyınsha U23 jas kategoriyasındaǵı Aziya kubogi 2026-jıldıń 7-25-yanvar kúnleri Saudiya Arabstanında bolıp ótedi. Házirgi waqıtta kontinentimizdiń 11 mámleketinde usı Aziya kubogi final basqıshına jollama beretuǵın saylap alıw bellesiwleri baslandı.

Biz ushın áhmiyetli bolǵanı, Ózbekstan U23 saylandı komandası “E” toparında Qırǵızstan, Shri-Lanka hám Palestina saylandı komandalarına qarsı oyın ótkeredi. Bul topar bellesiwleri Qırǵız Respublikasında bolıp ótedi.
Búgin, 3-sentyabr kúni Ravshan Haydarov basshılıǵındaǵı Ózbekstan U23 saylandı komandası birinshi turda Shri-Lankaǵa qarsı oyın ótkeredi. Ushırasıw Tashkent waqtı menen saat 15:00 de baslanadı.
Oyınlar sheginiń barlıq nátiyjeleri menen tómende tanısasız: Toparda birinshi bolıp esapqa kirgen saylandı komandalar saylap alıw bellesiwlerin óz maydanında ótkeredi.
“A” toparı: Iordaniya, Butan, Qıtay Taypei, Túrkmenstan.
“B” toparı: Myanma, Awǵanstan, Kuveyt, Yaponiya.
“S” toparı: Vetnam, Bangladesh, Singapur, Yaman.
“D” toparı: Qıtay, Arqa Mariana atawları, Timor Leste, Avstraliya.
“E” toparı: Qırǵızstan, Shri-Lanka, Palestina, Ózbekstan.
“F” toparı: Tailand, Mongoliya, Livan, Malayziya.
“G” toparı: Kambodja, Pakistan, Oman, Irak.
“H” toparı: Qatar, Bruney, Hindstan, Baxreyn.
“I” toparı: BAÁ, Guam, Gonkong, Iran.
“J” toparı: Indoneziya, Makao, Laos, Koreya Respublikası.
“K” toparı: Tájikstan, Nepal, Filippin, Siriya.
Maǵlıwmat ornında: Bul saylap alıw bellesiwlerinde 11 toparda birinshi bolǵan hám 4 toparda ekinshi orındı alǵan komandalar final basqıshına jollama aladı.

Javohir Toshxwjaev, ÓzA