Ózbekstan hám Belarus isbilermen hayal-qızlarınıń úshinshi biznes-forumı sheńberinde “Made in Uzbekistan” milliy ónimler kórgizbesi shólkemlestirildi.

Bul milliy kórgizbege Oliy Majlis Senatınıń Baslıǵı Tanzila Norboeva hám Belarus Respublikası Milliy májilisi Respublikalıq Keńesiniń Baslıǵı Natalya Kochanova keldi.
Kórgizbe “Vitebsk” koncert zalında ótkerildi. Onda mámleketimizdiń awıl xojalıǵı, azıq-awqat sanaatı, farmacevtika, jeńil sanaat, elektrotexnika, málimleme texnologiyaları, turizm hám ónermentshilik sıyaqlı tarawlarda islep shıǵarılǵan hár qıylı ónim hám xızmetler keń túrde kórsetildi.
“Made in Uzbekistan” brendi astında usınıs etilgen ónimler Ózbekstanda jergilikli shiyki zat tiykarında, zamanagóy texnologiyalar járdeminde islep shıǵarılǵan bolıp, olar sapa hám eksportqa jaramlılıq jaǵınan xalıqaralıq talaplarǵa tolıq juwap beredi.
Sonıń menen birge, kórgizbede Belarus Respublikasınıń milliy ónimleri de kórsetildi. Bul eki mámleket islep shıǵarıwshıları arasında óz-ara úyreniw, tájiriybe almasıw hám jańa birge islesiw joybarların dodalaw ushın qolaylı ortalıq jarattı.
Kórgizbe sheńberinde Ózbekstan hám Belarus isbilermenleri arasında “B2B” sóylesiwleri, ónim prezentaciyaları hám sawda ushırasıwları shólkemlestirildi,-dep málimleme beredi senat.uz saytı.

Qaraqalpaqstan xabar agentligi