AQSh dron islep shıǵarıw hám jerden basqarılatuǵın qurılmalardan paydalanıw boyınsha Rossiya hám Ukrainadan artta, dep jazdı “Politico” basılımı ekspertlerge súyenip.

– AQSh armiyası ukrainalılar hám rossiyalılar ózlestirgen zamanagóy dronlardıń aqılǵa uǵras kelmeytuǵın dárejedegi rezervi muǵdarına jaqınlasa almaydı, – delingen gazeta xabarında.
Atap ótiliwinshe, bul jerde gáp kamikadze kategoriyasındaǵı dronlar, qurǵaqlıqtaǵı áskerler ushın samolyotlar hám aldınǵı sızıq boylap háreketlenetuǵın kishi dronlardı tasıwǵa uqıplı úlken qurılmalar haqqında barmaqta.
– Biz júdá artta qaldıq, – deydi Amerika qáwipsizlik orayı qorǵanıw baǵdarlamasınıń direktorı Steysi Pettijon. – Dronlardı qurallanıw ushın qabıl etiw mashqalası sonda, AQShta arzan hám sapalı tańlaw joq. Yaǵnıy, mámlekette bunday drondı islep shıǵarıw ushın sanaat imkaniyatı jeterli emes.
May ayında “Wall Street Journal” Amerika armiyası ushıwshısız samolyotlardan paydalanıw kólemin sezilerli dárejede keńeytiw rejelestirilip atırǵanı, hár bir bólimshe mıń danadan usınday úskene menen támiyinlenetuǵının málim etken edi.
Basılım maǵlıwmatında innovaciya AQSh Qurallı kúshleri rezervin qayta kórip shıǵıw baslaması sheńberinde engiziletuǵını, bul joybar ushın kelesi bes jılda jámi 36 milliard dollar zárúr ekenligi keltirilgen.

S.Rahimov, ÓzA