Búgin, elimizdegi barlıq mektepler qatarında Nókis rayonlıq mektepke shekemgi hám mektep bilimlendiriwi bólimine qaraslı 31 ulıwma orta bilim beriw mekteplerinde de “Bilimler kúni” múnásibeti menen jańa oqıw jılınıń birinshi qońırawı qaǵıldı.

Usınday bayram keshesi Aqmańǵıt posyolkalıq puqaralar jıyınındaǵı 31-sanlı ulıwma orta bilim beriw mektebinde ótkerildi. Ilajǵa rayon hákimi Z.Zaytov qatnasıp, bıyılǵı oqıw jılınıń baslanıwı hám usı mektep «Mártlik mektebi» bolıp shólkemlestiriliwi menen qatnasıwshılardı qutlıqladı.
Ilaj dawamında oqıwshılarǵa 12 atamadaǵı oqıw qurallarınan ibarat Prezident sawǵaları tapsırılıp, jańa oqıw jılınıń birinshi qońırawı qaǵıldı.
Bunnan soń, «Watan ushın, millet ushın, xalıq ushın!» súreni astında birinshi Ǵárezsizlik sabaǵı ótilip, sońǵı jıllarda elimizde júz berip atırǵan jańalıqlar boyınsha maǵlıwmatlar berildi.

Qaraqalpaqstan xabar agentligi