Pekin qalasına saparı sheńberinde Ózbekstan Respublikası Prezidenti Shavkat Mirziyoev “China National Petroleum Corporation” (CNPC) kompaniyası direktorlar keńesiniń baslıǵı Day Xoulyandı qabılladı.

Qıtay milliy neft-gaz korporaciyası uglevodorod shiyki zatın qazıp alıw hám qayta islew boyınsha joqarı texnologiyalıq joybarlardı mámlekettiń ishinde hám sırtqı bazarlarda ámelge asırıwǵa qánigelesken dúnyanıń eń iri energetika kompaniyalarınan biri bolıp esaplanadı. Kompaniyanıń bazar kapitallasıwı 200 milliard dollardan artıq.
Ushırasıwda CNPCtiń mámleketimizge kirgizgen tikkeley investiciyalarınıń kólemi 5 milliard dollardan artqanı atap ótildi.
Qıtay kompaniyası menen investiciyalıq birge islesiw portfelin keńeytiw hám jer astı tábiyǵıy gaz saqlaw imaratların qurıw, infrastrukturanı modernizaciyalaw, zamanagóy metrologiyalıq standartlar hám innovaciyalıq sheshimlerdi engiziw joybarların alǵa qoyıw rejeleri kórip shıǵıldı.

ÓzA