Sońǵı jılları Ózbekstannıń azıq-awqat importı quramında qurma ónimi salmaqlı orın iyeley basladı. Xurma, tiykarınan, tuqımınan kóklemzarlastırılgan nálge tutastırıw jolı menen kóbeytiledi. Qumlı, щebenli hám shor jerlerde ósiriw qıyın. Bir túp terekten 250 kilogrammǵa shekem ónim alınadı.

Milliy statistika komitetiniń maǵlıwmatlarına bola, 2025-jıldıń yanvar-iyul aylarında mámleketimizge 17 mámleketten jámi 12,6 mıń tonna qurma import etilgen. Bul kórsetkish ótken jıldıń usı dáwirine salıstırǵanda 4,9 mıń tonnaǵa kóp. Import kólemi bolsa qun jaǵınan 9 million AQSh dollarına teń bolıp, bul qurmanıń tek ǵana bahalı emes, al bazarda turaqlı talapqa iye ónimge aylanǵanın kórsetedi.
Import kóleminiń artıwın bir qatar faktorlar menen túsindiriw múmkin. Bárinen burın, xalıqtıń salamat awqatlanıwǵa bolǵan qızıǵıwshılıǵı, Ramazan ayı dawamında qurmanıń dástúriy túrde kóbeyiwi, sonday-aq, ishki bazarda qurma jetistiriw kóleminiń tómenligi.
Usı jıldıń 7 ayında Ózbekstanǵa eń kóp qurma jetkerip bergen mámleketler tómendegiler: Iran – 9,8 mıń tonna, Tunis – 810 tonna, Túrkiya – 396 tonna, Saudiya Arabstanı – 245 tonna, Qazaqstan – 230 tonna, Ázerbayjan – 224 tonna, BAÁ – 196 tonna hám basqa mámleketlerden 624 tonna.
Itibarǵa ılayıq tárepi sonda, Ózbekstanǵa eń kóp qurma jetkerip bergen mámleketler arasında Iran – 9,8 mıń tonna menen jetekshilik etpekte. Saudiya Arabstanınan 245 tonna qurma import etilgeni Ózbekstanda sapalı, brendli hám diniy-ruwxıy áhmiyetke iye ónimlerge de talap joqarılıǵınan dárek beredi.

ÓzA