Ózbekstan Respublikası Prezidenti Shavkat Mirziyoev eń áziz ulıwma milliy bayramımız – Watanımız ǵárezsizligi járiyalanǵanınıń otız tórt jıllıǵın belgilew aldında mámleketimiz tárepinen alıp barılıp atırǵan gumanistlik siyasattıń ámeliy tastıyıǵı sıpatında “Jaza múddetin ótep atırǵan, qılmısına shın júrekten pushayman bolǵan hám dúzeliw jolına isenimli ótken bir topar shaxslardı ápiw etiw haqqında”ǵı Parmanǵa qol qoydı.

Pármanǵa muwapıq, Ózbekstan Respublikası Konstituciyasınıń 109-statyası 23-bántine tiykarlanıp jaza múddetin ótep atırǵan hám qılmısına shın júrekten pushayman bolǵan hám dúzeliw jolına isenimli ótken 523 shaxs ápiw etildi.
Ápiw etilgen shaxslardıń 195 i tiykarǵı jazadan tolıq azat etildi, 147 si jazanı ótewden múddetinen aldın shártli azat etildi. 87 siniń erkinen ayırılıw jazası jeńilirek jaza menen almastırıldı. Sonday-aq, 94 shaxsqa tayınlanǵan erkinen ayırıw jazasınıń múddetleri qısqartıldı.
Ápiw etilgenlerdiń 8 in sırt el puqaraları, 45 in hayal-qızlar, 31 in 60 jastan asqan er-adamlar, 220 sin jaslar (olardan 1 i jas óspirim) hám 15 in qadaǵan etilgen shólkemler jumısında qatnasqan shaxslar quraydı.
Pármannıń orınlanıwı boyınsha ápiw etilgen shaxslardı shańaraǵı hám tuwısqanlarınıń qushaǵına qaytarıw, sociallıq turmısqa beyimlesip, paydalı miynet penen shuǵıllanıwı, salamat turmıs tárizin jolǵa qoyıp, jámiyette múnásip orın tabıwı ushın olarǵa járdem beriw boyınsha juwapker ministrlik hám uyımlarǵa tiyisli tapsırmalar berildi.

ÓzA