Húkimet qararı menen “Ózbekstan Respublikası Mektepke shekemgi hám mektep bilimlendiriwi ministrligi janındaǵı Qánigelestirilgen bilimlendiriw mákemeleri agentligi sistemasındaǵı qánigelestirilgen sport mektepleri haqqında”ǵı reje tastıyıqlandı.

Reje Qánigelestirilgen bilimlendiriw mákemeleri agentligi sistemasındaǵı qánigelestirilgen sport mektepleriniń statusı, tiykarǵı wazıypaları, sonday-aq, jumısın shólkemlestiriw tártibin belgileydi.
Rejege bola, sport mekteplerinde sport túrleri boyınsha 5-11-klasslarda bilim beriledi.
Gimnastikaǵa qánigelestirilgen sport mektebine talap hám usınıslardan kelip shıǵıp, 7 – 11 jastaǵı oqıwshı-sportshılardı 1 – 4-klasslarǵa oqıwǵa qabıllawǵa ruqsat beriledi.
Bilimlendiriw procesi oqıwshı-sportshılardıń sanı 12 – 24 ge shekem bolǵan klasslarda shólkemlestiriledi.
Oqıwshı-sportshılardıń sport sheberligi dárejesin arttırıw maqsetinde qısqı dem alısta 15 kún, jazǵı dem alısta 45 kún, jámi 60 kúnlik oqıw-shınıǵıw jıyınları ótkeriledi.
Sport mektepleriniń 9-klass pitkeriwshilerine mámleketlik úlgidegi attestat, 11-klass pitkeriwshilerine tiyisli sport túrleri boyınsha diplom hám trenerlik jumısı menen shuǵıllanıw ushın mamanlıq sertifikatı beriledi,-dep málimleme beredi xabar.uz saytı.

Qaraqalpaqstan xabar agentligi