Samarqand qalasındaǵı “Jipek jolı” xalıqaralıq turizm orayında ótkerilgen abıraylı jarısta Ózbekstan, Belgiya, Kanada, Ispaniya, Franciya, Germaniya, Sloveniya, Shveycariya, Qatar, Rossiya, Iran, Portugaliya hám Qazaqstannan 120 sportshı qatnastı.

Jáhán chempionatı Xalıqaralıq áskeriy sport keńesi (CISM) basshılıǵında Qorǵanıw ministrligi, Sport ministrligi, Milliy olimpiada komiteti, Ózbekstan triatlon federaciyası hám Samarqand wálayatı hákimligi menen birgelikte shólkemlestirildi, delinedi Qorǵanıw ministrliginiń maǵlıwmatında.
Sportshılar 3 kategoriyada – jeke, komandalıq (MIX)hám úlkenler (Senior) arasındaǵı bellesiwlerde medallar toplamı (jeke hám topar bellesiwleri) ushın kúsh sınastı.
Professional hám jası úlken sportshılar arasında ótkerilgen jeke bellesiwlerde sportshılar ashıq suw basseyninde 750 metr aralıqqa júziw, xalıqaralıq talapqa juwap beretuǵın baǵdarında19 kilometr aralıqqa velojúriw hám tariyxıy orayda shólkemlestirilgen trassalar boylap 5 kilometr aralıqqa juwırıwdı ámelge asırdı.
Jarıstıń ulıwma nátiyjelerine bola, birinshi orın Franciya Respublikası saylandı komandasına, ekinshi orın Rossiya Federaciyası komandasına, úshinshi orın bolsa Ózbekstan Respublikası saylandı komandasına nesip etti.
Qatnasıwshılar múnásip sıylıqlandı

ÓzA