Qıtaylı ilimpazlar Jer orbitasınan shıǵındılardı tazalaw ushın arnawlı atıw qurılmasın islep shıqtı. Qurılma ıqsham, seziler-sezilmes hám porox dvigateli principine tiykarlanǵan. Onı Nankin, Shanxay hám Shenyandaǵı aerokosmoslıq sanaat injenerleri jaratqan.

Ápiwayı qurallardan ózgeshe túrde, bul úskene kúshli ushqın, terbelis yamasa bóleksheler bultın payda etpeydi. Ol tútin hám jaqtılıq shıǵarmaydı, atılǵanda bolsa derlik terbelmeydi. Buǵan jabıq gaz járdeminde energiyanı jutıw mexanizmi sebep boladı.
Qurılma shıǵındılardı uslap alıwshı tor jaylastırılǵan kapsulanı ushıradı. Onı platformaǵa zıyan jetkermey, anıq nıshanǵa baǵdarlaw múmkin. Bul usıl jasalma joldastıń názik ásbaplarına zıyan jetkermesten isleydi hám energiya jumsalıwın azaytadı. Ilimpazlar bul texnologiya mıńlaǵan isten shıqqan jasalma joldaslar hám raketa baǵanalarınan ibarat orbital shıǵındılar mashqalasın sheshiwge járdem beredi, dep esaplamaqta.
Biraq, South China Morning Posttıń xabarına bola, qurılma kishi ózgerisler arqalı dushpan jasalma joldasların isten shıǵarıwda da qollanılıwı múmkin.

Madinabonu NASRIEVA,
Anvarxwja AHMEDOV,
ÓzA