Qosımsha qun salıǵınıń stavkası 12 procentke túsirilgeni esabınan bul salıq rejiminde islep atırǵan isbilermenlerdiń sanı kún sayın kóbeymekte.

Biraq, ele kópshilik QQSqa ótsem, esap-sanaq qıyınlasadı, buxgalter alıw kerek, qárejet asadı, dep gúmanlanbaqta.
Sol sebepli, aylanıs salıqtan QQSqa ótetuǵın kárxanalar bir jıl dawamında payda salıǵın tólewden azat etiledi, esabatında qáte bolsa da, járiyma qollanılmaydı, buxgalterlerdiń aylıǵınıń 5 million sumǵa shekemgi bólegi altı ayǵa shekem usınday kárxana tólep atırǵan salıqtan shegirip taslanadı.
Búgingi kúnde salıq tekseriwleri boyınsha 20 mıńnan aslam isbilermenlerde 16 trillion sumlıq qáte hám kemshilikler anıqlanǵan. Bul mıńlaǵan biznes wákilleriniń isbilermenlik reytingindegi ornına unamsız tásir etedi.
-Sonıń ushın búgin ózine tán “amnistiya” járiyalaymız, bul tekseriwler boyınsha jaza qollanılmaydı.
Onıń ornına 1-noyabrge shekem isbilermenlerimizge barlıq qáte hám kemshiliklerdi ıqtıyarlı túrde dúzetiw imkaniyatı beriledi. Bir sóz benen aytqanda, 1-noyabrden baslap biznes wákilleri isbilermenlik reytingin “taza betten” baslaydı”, – dedi Prezident.
Prezident Shavkat Mirziyoevtiń isbilermenler menen ashıqtan-ashıq sóylesiwi dawam etpekte.

ÓzA