Jeke menshik medicinada toplanǵan úlken tájiriybe, jańa texnologiyalar, maman kadrlar isbilermenler ushın bul tarawdıń tartımlılıǵın arttırıp, sapanı jaqsılawǵa túrtki bermekte.

Bunı jeti jılda jeke menshik klinikalar 3,5 mıńnan 8,5 mıńǵa kóbeygeninde de kóriw múmkin.
– Sizler menen birge Ózbekstandı regiondaǵı joqarı texnologiyalı medicina xabına aylandıratuǵınımızǵa isenemen. Onıń ushın jáne qanday sharayat kerek bolsa, barlıǵın islep beriwge tayarman, – dedi Prezidentimiz.
Atap aytqanda, shegara aymaqlarında klinika, reabilitaciya orayı, miymanxana hám laboratoriyalardı óz ishine alǵan medicina klasterleri shólkemlestiriledi.
Olardı zamanagóy ásbap-úskeneler menen támiyinlew ushın 200 million dollarlıq jeńilletilgen kredit liniyası ashıladı. Onda medicina klasterlerin qurǵan isbilermenlerge 7 jıl múddetke 3 jıllıq jeńilletilgen dáwir menen 17 procentlik arzan kreditler beriledi.
Prezidentimiz Shavkat Mirziyoevtiń isbilermenler menen ashıqtan-ashıq sóylesiwi dawam etpekte.

ÓzA