Paytaxt hám wálayat oraylarındaǵı kárxanaların miynet resursı, bos jer kóp rayonlarǵa kóshirmekshi bolǵan tekstil tarawındaǵı isbilermenlerge 10 milliard sumǵa shekem kredit beriledi. Prezident jumısshı kúshini kóp talap etetuǵın basqa tarmaq kárxanaları da bunday baslama menen shıqsa, olardı qollap-quwatlawǵa tayar ekenin ayttı.

Arzan shiyki zat penen támiyinlew maqsetinde 2028-jıl 1-yanvarǵa shekem aralas gezleme hám gezleme bajıxana bajısınan azat etilmekte. Biraq bunday mashqala sanaattıń basqa tarawlarında da bar.
Jáhán banki ekspertleri de tarif siyasatı óndiristi xoshametlewi kerekligin aytpaqta.
Ashıq pikirlesiwge tayarlıq sheńberinde barlıq tarawlardaǵı isbilermenlerden bul baǵdarda 130 múrájat kelip túsken.
Mámleketimiz basshısı Bas ministrdiń ekonomika hám investiciyaǵa juwapker orınbasarlarına 1-noyabrge shekem hár bir tarmaq, aymaqlıq kárxanalardıń talabın úyrenip, basqa shiyki zat hám komplektlewshi bólekler ushın tariflerdi qayta kórip shıǵıwdı tapsırdı.
Endi import procesinde muwapıqlıq sertifikatları hár bir partiyaǵa emes, shártnamada kórsetilgen kólem ushın beriledi.
Prezidentimiz Shavkat Mirziyoevtiń isbilermenler menen ashıqtan-ashıq sóylesiwi dawam etpekte.

ÓzA