“Xalıqaralıq shártnamanı tastıyıqlaw haqqında”ǵı Prezident qararı qabıl etildi.

Qararǵa bola, Ózbekstan Húkimeti menen Qazaqstan Húkimeti arasında 2006-jıl 20-martta qol qoyılǵan xalıqaralıq avtomobil qatnawı haqqındaǵı Kelisimge ózgerisler hám qosımshalar kirgiziw haqqındaǵı Bildiriw tastıyıqlandı.
Kelisimge 2024-jıl 8-avgust kúni Astana qalasında qol qoyılǵan.
Transport ministrligi usı xalıqaralıq shártnamanı ámelge asırıw ushın juwapker wákillikli uyım etip belgilendi.
Ministrler Kabineti hám tiyisli ministrlikler hám uyımlardıń basshıları usı xalıqaralıq shártnama kúshke kirgennen soń belgilengen tártipte onıń qaǵıydalarınıń ámelge asırılıwı ústinen qadaǵalawdı támiyinleydi,-dep málimleme beredi xabar.uz saytı.

Qaraqalpaqstan xabar agentligi