Húkimet qararı “Qaraqalpaqstan Respublikası hám Xorezm wálayatında ayırım kategoriyadaǵı shańaraqlardı ishimlik suwı menen támiyinlew qárejetlerin qaplaw ushın subsidiya ajıratıw tártibi haqqında”ǵı reje tastıyıqlandı.

Reje Qaraqalpaqstan Respublikası hám Xorezmde jasawshı Kámbaǵal shańaraqlar reestrine kirgizilgen shańaraqlarǵa tómendegi qárejetlerin qaplaw ushın subsidiya ajıratıw tártibin belgileydi:
• jasaw ornında artezian qudıǵın qazıw;
• suw nasosları hám ishimlik suwı filtrlerin satıp alıw hám ornatıw.
Subsidiya usı qárejetlerdiń 90 procenti, biraq BEMniń 30 esesinen kóp bolmaǵan bólegin qaplaw ushın ajıratıladı.
Bul xızmetler “Birden-bir milliy sociallıq qorǵaw” málimleme sistemasınıń Xalıqtı taza ishimlik suwı menen támiyinlewge járdemlesetuǵın isbilermenlik subektleri reestrine kirgizilgen isbilermenler tárepinen ámelge asırıladı.
Subsidiya alıwshılardıń er jetken qarım-qatnasqa uqıplı aǵzası yamasa nızamlı wákili “Insan” oraylarına barǵan halda yamasa máhálledegi sociallıq xızmetkerlerge múrájat etiw arqalı “BMSQ” AJda dizimnen ótiwi múmkin.
Onda “Insan” orayınıń xızmetkeri yamasa sociallıq xızmetker subsidiya alıwshılardıń er jetken qarım-qatnasqa jaramlı aǵzası yamasa onıń nızamlı wákili atınan “BMSQ” AJda dizimnen ótiw boyınsha soraw jiberedi.
Isbilermen belgilengen múddette subsidiya alıwshılardıń turaq jayına jetip barıwı hám artezian qudıǵın qazıwı, suw nasosın hám ishimlik suw filtrin ornatıwı kerek.
Jumısshı topar tárepinen subsidiya ajıratıw maqullanǵanı yamasa biykarlanǵanı haqqındaǵı xabar “BMSQ” AJǵa avtomat túrde jiberiledi.

Qaraqalpaqstan xabar agentligi