Usı jılı 14-avgust kúni “Umra – 2025/2026” máwsiminiń birinshi topar zıyaratshıları Tashkent xalıqaralıq aeroportınan Saudiya Arabstanına jónep ketti. 240 watanlasımız Jidda qalasına jol aldı.

Watanlaslarımız dáslep Madina qalasında 3 kún, soń Mekke qalasında 7 kún múbárek zıyaratta boladı.
Zıyaratshılar zamanagóy miymanxanalarda jasaydı. Olarǵa 3 mezgil ıssı awqat, mazalı zatlar hám taza miyweler beriledi.
Umra saparı dawamında zıyaratshılarǵa tájiriybeli jumısshı topar, belgili imam-xatiplerden ibarat topar basshıları, tájiriybeli shıpakerler joldaslıq etip, zıyarat hám ibadatlardıń qáterjam ótiwin támiyinleydi.
Sonday-aq, Mekke hám Madina qalalarındaǵı muqaddes orınlardı zıyarat etiw menen birge, Jidda qalasındaǵı Qızıl teńizge sayaxatqa da alıp barıladı.

Xamroz Bayanov,
ÓzA