Kommerciyalıq kreditten 2,2 milliard dollar minnetlemesi bar bolǵan 144 kárxananı salamatlandırıw ilajları islep shıǵıladı. Jumısın turaqlastırıw múmkin bolǵan kárxanalardıń kredit múddeti 7 jılǵa shekem sozdırıp beriledi.

Sonday-aq, paxtanı óz waqtında, zaya etpey jıynap alıw ushın fermerlerge tonnasına 1 million sumnan subsidiya beriledi. Kárxanalar óz qarjısı esabınan paxta jetistirse yamasa satıp alsa, shiyki zat bahasınıń 10 procenti qaplap beriledi.
Endi toqımashılıq shınjırındaǵı barlıq kárxanalarǵa sociallıq salıq stavkası 1 procent etip belgilenedi.
Onda, sociallıq reestr boyınsha talap biykar etiledi, realizaciyada toqımashılıq úlesine talap bolsa 90 procentten 70 procentke túsiriledi.
Ekonomika hám qarjı ministrligine talshıq, iyirilgen jip hám gezleme islep shıǵarıwshı kárxanalar ushın da bul salıqtı jeńilletiw boyınsha usınıs kirgiziw tapsırıldı.
Prezident Shavkat Mirziyoevtiń basshılıǵında toqımashılıq tarawında eksport imkaniyatları hám rezervlerdi iske qosıw máseleleri boyınsha videoselektor májilisi dawam etpekte.

ÓzA