Jergilikli atqarıw hákimiyatı uyımlarınıń xızmetkerlerin xoshametlewdiń jańa sisteması engiziledi.
“Qaraqalpaqstan Respublikası Ministrler Keńesi, wálayatlar hám Tashkent qalası jáne rayon (qala) hákimlikleri xızmetkerleriniń miynetine haqı tólew hám olardı materiallıq xoshametlew sistemasın jetilistiriw ilajları haqqında”ǵı Prezident Pármanı (PP-129-sanlı, 07.08.2025-j.) qabıl etildi.

Pármanǵa bola, Qaraqalpaqstan Respublikası Ministrler Keńesi, wálayatlar hám Tashkent qalası jáne rayon (qala) hákimlikleri basqarıw xızmetkerleriniń miynetine haqı tólewdiń jańa sisteması engiziledi. Onda xızmetkerlerdiń lawazımlıq miynet haqısı birden-bir princip tiykarında miynetke haqı tólewdiń jańalanǵan tarif setkası jáne kóp jıllıq xızmeti hám lawazımın esapqa alǵan halda differenciyalasqan tarif koefficientleri tiykarında qáliplestiriledi.
Sıylıqlaw tólemlerin basqarıw xızmetkerleri tárepinen erisilgen eń áhmiyetli nátiyjelilik kórsetkishleri (KPI) tiykarında hár aylıq ústeme, mamanlıq (mártebe) dárejeleri ushın hám esabat dáwiri juwmaqları boyınsha xoshametlew (bonus) tólemleri túrinde tólenedi. Jergilikli atqarıw hákimiyatı uyımları basqarıw xızmetkerleriniń miynetine haqı tólew tek ǵana usı Pármanda belgilengen shártlerde ámelge asırılıp, Pármanda názerde tutılmaǵan qosımsha ústemeler, sıylıqlar hám basqa da tólemlerdi tólew qadaǵan etiledi.
2025-jıl 1-avgusttan jergilikli atqarıw hákimiyatı uyımlarında miynetke haqı tólew qorı tómendegilerdi óz ishine aladı:
– lawazım aylıǵı;
– eń áhmiyetli nátiyjelilik kórsetkishlerine (KPI) eriskeni ushın lawazım aylıǵına hár aylıq ústemeler;
– qánigelik (dáreje) dárejeleri ushın tólemler;
– sıylıqlaw hám bonus tólemleri.

Qaraqalpaqstan xabar agentligi