“Sharq sadolari” qosıq hám ayaq oyın ansambliniń aǵzaları Portugaliyada bolıp ótken abıraylı “Festival International de Folclore Rio” xalıqaralıq folklor festivalında qatnastı.

Portugaliya tárepinen rásmiy túrde kútip alınǵan “Sharq sadolari” jámááti óziniń milliy qosıq hám ayaq oyınları menen festival miymanları hám qatnasıwshılarına ózbek mádeniyatınıń biytákirar gózzallıǵın kórsetti.
Tamashagóyler ansambldiń hár bir shıǵıwın jıllı kútip alıp, olardıń sheberligine joqarı baha berdi.
Festival sheńberinde Ózbekstan delegaciyası Portugaliyanıń mádeniyat boyınsha mámleketlik xatkeri Alberto Santos penen ushırastı. Sáwbetlesiw dawamında ol Ózbekstannıń tariyxıy miyrası hám ullı oyshılları haqqında tereń bilimge iye ekenin atap ótti.
“Sharq sadolari” ansambliniń xalıqaralıq saxnada tabıslı qatnasıwı Ózbekstan jaslarınıń potencialı, kórkem óneri hám mádeniyatınıń ayqın úlgisi boldı.

Gulnoza Boboeva, ÓzA