Senatta “Ózbekstan – Polsha” hám “Polsha – Ózbekstan” parlamentleraralıq birge islesiw toparlarınıń birinshi birgeliktegi májilisi onlayn túrde ótkerildi.

Májiliste “Ózbekstan – Polsha” hám “Polsha – Ózbekstan” parlamentleraralıq birge islesiw toparlarınıń jumısın kúsheytiw, parlamentleraralıq hám sawda-ekonomikalıq birge islesiwdi bekkemlew máseleleri dodalandı.
Sońǵı jılları eki mámleket basshılarınıń siyasiy erk-ıqrarı hám birgeliktegi háreketleri sebepli Ózbekstan hám Polsha arasında kóp táreplemeli birge islesiw qatnasıqları jedel rawajlanıp atırǵanı ayrıqsha atap ótildi.
Ózbekstan hám Polsha arasındaǵı birge islesiwdi bunnan bılay da rawajlandırıwda parlamentleraralıq baylanıslar úlken áhmiyetke iye ekeni atap ótilip, sawda-ekonomikalıq, investiciya, eksport, transport, awıl xojalıǵı, ilim, mádeniyat, turizm hám migraciya tarawlarında óz-ara birge islesiw baylanısların bunnan bılay da keńeytiwge ayrıqsha itibar qaratıldı.
Sonday-aq, eki tárepleme sawda-ekonomikalıq birge islesiwdi jedellestiriw hám isbilermenler arasında isbilermenlik baylanısların keńeytiw baslaması alǵa qoyılıp, “Ózbekstan – Polsha” hám “Polsha – Ózbekstan” parlamentleraralıq birge islesiw toparları óz jumısları sheńberinde investiciyalar hám sawda tarawın qollap-quwatlawǵa hám járdemlesiwge ayrıqsha itibar beriwge kelisip aldı.
Májilis juwmaǵında eki mámleket parlamentleri arasındaǵı birge islesiw baylanısların keńeytiw, parlamentleraralıq toparlardıń jumısın kúsheytiw hám keń kólemli birge islesiwdi rawajlandırıw, sonday-aq, óz-ara tájiriybe almasıwdı jolǵa qoyıwǵa qaratılǵan anıq ilajlar rejesi – “jol kartası”n islep shıǵıwǵa kelisip alındı.

ÓzA