“Haywanlardı identifikaciyalaw, dizimge alıw hám baqlaw haqqında”ǵı Nızam (ÓRN-1079-sanlı) qabıl etildi.

Nızamǵa bola, Ózbekstan aymaǵında fizikalıq yaki yuridikalıq shaxslar tárepinen saqlanatuǵın hám (yaki) kóbeytiletuǵın haywanlar belgilengen tártipte identifikaciyalanıwı hám dizimge alınıwı kerek.
Veterinariya hám sharwashılıqtı rawajlandırıw komiteti usı tarawda wákillikli mámleketlik uyım esaplanadı.
Nızamda haywanlardı identifikaciyalaw hám dizimge alıwdıń tómendegi múddetleri belgilengen:
– qaramal, qoy, eshki hám túyeler – tuwılǵannan keyin 14 kúnnen soń;
– atlar – tuwılǵannan keyin 4 aydan soń;
– shoshqalar tuwılǵannan keyin – 1 aydan soń;
– iytler hám pıshıqlar – tuwılǵannan 3 aydan soń.
Bunda haywanlar kórsetilgen múddetler tamamlanǵanınan soń 1 aydan keshiktirmey identifikaciyalanıwı hám dizimge alınıwı kerek.
Saqlaw hám (yaki) kóbeytiw maqsetinde Ózbekstanǵa alıp kiriletuǵın haywanlar alıp kiriw sánesinen baslap 21 kúnnen keshiktirmey identifikaciyalanıwı kerek.

ÓzA