Ózbekstan Respublikası Prezidenti Shavkat Mirziyoev Túrkmenstanǵa ámeliy saparı sheńberinde Gruziya Bas ministri Irakliy Kobaxidzeni qabılladı.

Sawda-ekonomikalıq, transport-logistika hám mádeniy-gumanitarlıq tarawlardaǵı óz-ara paydalı birge islesiwdi jáne de keńeytiw máseleleri kórip shıǵıldı.
Gruziya Bas ministriniń bıyıl mart ayında Ózbekstanǵa saparı dawamında erisilgen kelisimlerdi ámelge asırıw nátiyjeleri qanaatlanıwshılıq penen atap ótildi.
Jedel uyımlararalıq baylanıslar dawam etpekte, sırtqı isler hám ekonomika ministrleriniń ushırasıwları ótkerildi. Tovar almasıw hám júk tasıw kólemi, birgeliktegi joybar hám kárxanalardıń sanı artpaqta.
Óz-ara tovar jetkerip beriwdi kóbeytiw, awıl xojalıǵı, toqımashılıq, elektrotexnika, farmacevtika, azıq-awqat tarmaqlarında, sonday-aq, logistika tarawında kooperaciyalıq joybarlardı alǵa qoyıw boyınsha muwapıqlastırılǵan ilajlar kóriw áhmiyetli ekenligi atap ótildi.

ÓzA