“Qala qurılısın renovaciyalaw haqqında”ǵı nızam joybarın dodalawlarda deputatlar tárepinen bir qatar áhmiyetli sorawlar ortaǵa taslandı.

Sonıń ishinde, Ekopartiya frakciyasınıń aǵzası Noiba Inoyatova búgingi kúnde ekologiyalıq mashqalalardı saplastırıw maqsetinde bahalı túrdegi terek hám putalardıń kesiliwine moratoriy járiyalanǵanın atap ótip, renovaciyaǵa túsken aymaqlardaǵı tereklerdiń kesiliwi yamasa sol aymaqta jasıl maydanlardı shólkemlestiriw hám onıń qadaǵalawı qalay ámelge asırılatuǵını menen qızıqtı.
Buǵan juwap retinde nızam intakerleri joybarda jasıllıqtı saqlap qalıw máselelerine tiykarǵı áhmiyet qaratılǵanın atap ótti. Joybarǵa bola, renovaciya aymaǵınıń keminde tórtten bes bólegi, yaǵnıy 25 procenti jasıl zonalardan ibarat bolıwı kerek ekenligi belgilenbekte.
Sonday-aq, renovaciya aymaǵındaǵı jasıl zonalardı basqa aymaqlıq kategoriyalı zonaǵa ózgertiwge jol qoyılmaydı. Sonıń menen birge, shólkemlestiriletuǵın jasıl aymaq ózgertilip atırǵan aymaqtaǵı burınǵı jasıl zonadan kem bolmawı bekkemlenbekte. Sonday-aq, renovaciya jumısları bahalı tereklerdiń jaylasıw ornına qarap joybarlastırılıwı belgilenetuǵını málim etildi.

Muhtarama Komilova, ÓzA