Nókis rayonı “Qutankól” mákan puqaralar jıyını turǵınları tárepinen 2025-jıl 1-máwsimi sheńberinde “Ashıq byudjet” málimleme portalı arqalı usınılǵan joybar boyınsha “Jamansha” kóshesine 1,8 kilometr aralıqqa qara qaplamalı (asfalt) jol tósew jumısların ámelge asırıw boyınsha usınıs, dawıs beriw nátiyjelerine bola jeńimpaz dep tabılǵan edi.

Bul baslama máhálle xalqınıń infrastrukturanı jaqsılaw hám jasaw sharayatların jetilistiriw baǵdarındaǵı belsendiligi hám joqarı puqaralıq juwapkershiligin kórsetti. Házirgi waqıtta, usı joybar tiykarında kórsetilgen baǵdarda ámeliy jumıslar baslap jiberildi. Atap aytqanda, “Jamansha” kóshesinde qara qaplama (asfalt) tósew jumısları jedel pátlerde alıp barılmaqta.

Qaraqalpaqstan xabar agentligi