8-iyul kúni Ózbekstan Respublikası Prezidenti Shavkat Mirziyoev hám Rossiya Federaciyası Prezidenti Vladimir Putinniń telefon arqalı sóylesiwi bolıp ótti.

Ózbekstan menen Rossiya arasındaǵı keń kólemli strategiyalıq sheriklik hám awqamlaslıq qatnasıqların bunnan bılay da rawajlandırıw hám bekkemlewdiń áhmiyetli máseleleri dodalandı. Joqarı dárejede, bárinen burın, sawda-ekonomikalıq tarawda erisilgen kelisimlerdi ámelge asırıwǵa ayrıqsha itibar qaratıldı.

Tovar almasıw kórsetkishlerin arttırıw, ekonomikanıń tiykarǵı tarmaqlarında sanaat kooperaciyası joybarların alǵa qoyıw, aymaqlar dárejesindegi nátiyjeli baylanıslardı, jedel mádeniy-gumanitarlıq hám bilimlendiriw almasıwın keńeytiw maqsetinde óz-ara muwapıqlastırılǵan jumıslar hám ámeliy uyımlararalıq birge islesiwdi dawam ettiriw áhmiyetli ekenligi atap ótildi.

Usı mániste, bıyılǵı jıldıń gúzinde ótkeriliwi rejelestirilgen Ózbekstan hám Rossiya aymaqları keńesiniń ekinshi májilisine puqta tayarlıq kóriw hám onıń nátiyjeliligin támiyinlew zárúr ekenligi atap ótildi.

Mámleket basshıları xalıqaralıq kún tártibi boyınsha da pikir alıstı, bolajaq ilajlar rejesin kórip shıqtı.

ÓzA